Коңурбаев Таштан Дарманкулович директорлор кеңешинин чечими менен “Электр станциялар” ААК башкы директору болуп дайындалды.

Компаниянын мурдагы башкы директору Качкынбаев Осмон Кененбаевич ,бул кызматты 2022-жылдын декабрь айынан бери аркалап келген.

Кыскача маалымат:

Коңурбаев Таштан Дарманкулович 1969-ж.Билими жогорку. Адистиги “Электр жабдуу” боюнча “Инженер - электрик”. Эмгек жолун Токтогул ГЭСтери Каскадында 2-баскычтагы токарынан баштап, буга чейин 4-баскычтагы электрослесары, электр цехинин мастери,ремонттоо боюнча жетектөөчү инженер, Токтогул ГЭСнин электр цехинин башчысы,инженердин орун басары, Курпсай ГЭСнин башчысынын орун басары ,“Электр станциялар” ААКнун Токтогул ГЭСнин башчысы,”Камбар - Ата” ГЭСнин башкы инженери ,директору кызматтарында эмгектенип келген.

«Электр станциялар» ААК мамлекетибиздин 98% электр энергиясын,ошондой эле жылуулук электр энергиясын өндүргөн ири компания болуп саналат. Курамына 7 гидроэлектростанция,2 Жылуулук электр борбору жана Бишкек жылуулук тармагы кирет.